Маңғыстау облысының білім басқармасының Жаңаөзен қаласы бойынша білім бөлімінің "№3 Жалпы білім беретін мектеп" коммуналдық мемлекеттік мекемесінде 2022 жылдың ақпан, наурыз айларында жас мамандардың білім беру технологиялары мен әдіс-тәсілдерін тиімді қолдану жолдарын сараптау, оларға әдістемелік тұрғыда кәсіби көмек көрсету мақсатында жас мамандар он күндігі өтті. Жас мамандар ақпан айында ашық сабақтар өткізді. Сыныптан тыс шаралар, өз өнерлерін көрсетті.
Ашық сабақтарға мектеп директоры, оқу ісі меңгерушілері, мұғалімдер, тәлімгерлер қатысты. Сабақ жоспарлары мектептегі тәжірибелі ұстаздар мен тәлімгерлерінің көмегімен жасалынып, бекітілді. Сабақ бағалау критерийлеріне сай бағаланып, жас мамандардың әрқайсысының жетістіктері мен ұсыныстар айтылды. 2022 жылғы 02 наурызда мектебіміздің жас мамандар онкүндігі салтанаты өтті.
