2 желтоқсан 2020 жылы қазақ тілі мен әдебиеті апталығында 6 «В» сыныбына «Қазақ дәстүрлері» тақырыбында оқушыларға үлгі болатындай ашық сабақ өткізілді. Ашық сабақты ұйымдастырушы Оңайбай Нұрбибі Есетқызы
Сабақтың мақсаты: Халқымыздың ғасырдан ғасырға жалғасып келе жатқан салт – дәстүрін дәріптеу, соның бірі отбасының басты қызығы , алтын тіреу діңгегі – бала, баланы бесікке бөлеу дәстүрін атадан балаға жеткізу. Бесік жырының маңызын ұғындыру. Оқушылардың өз ойларын, пікірлерін еркін айтуға, дәлелдей білуге, сөйлеу мәдениетін, топпен жұмыс істеу, шығармашылық, танымдық қабілеттерін дамыту. Пәнге қызығушылығын арттыру.
Салт – дәстүрді құрметтеуге , адамгершілікке , мейірімділікке , тазалыққа тәрбиелеу.
Сабақ барысында қазақ салт-дәстүрлерінің «Бесікке салу» және «Тұсау кесер» өткізілді. «Бесікке салу» дәстүрін жүргізген мектеп директоры Карамбетова Марина Оспановна және «Тұсау кесер» дәстүрін үлгілі тәжірибелі ұстаздың жолын берсін деп Таджибаева Калбике Сеийтхожаевна тұсау кесті. Оқушылар өз ойларымен бөлісті.